ኣለም ፍሰሃ

ምርኢት ስእሊ መቐለ

ድሕሪ ኣርባዕተ ዓመት ዝብዓለ ዘሎ በዓል ኣሸንዳ ምኽንያት ብምግባር፡ ኣብ መቐለ ስእላዊ ምርኢት ቀሪቡ ቀንዩ። እዚ ምርኢት ብቐንዱ ኣብ ደቀንስትዮ ማእከል ዝገበረ ኰይኑ፡ ምስቲ ኲናት ተኣሳሲሩ ንዝሓለፈ ከቢድ እዋን ምዝካር፡ ብሕጂ ግን ንቕድሚት ክርኢን ተስፋ ክምለስን ዝፍትን’ዩ።

ኵነታት ሆስፒታል ኣኽሱም ድሕሪ ስምምዕ ፕሪቶሪያ

ኵነታት ሆስፒታል ኣኽሱም ድሕሪ ስምምዕ ፕሪቶሪያ

ብሰንኪ ኲናት ትግራይ ስሩዕ ኣገልግሎት ኣቋሪጹ ዝነበረ ማእከላት ጥዕና ትግራይ፡ ድሕሪ ስምምዕ ፕሪቶሪያን ምጅማር መድሃኒታትን ኣብ ዝሓሸ ብርኪ ከም ዘሎ ሰብ-መዚ የመልክቱ። እንተዀነ እቲ ዘሎ ቀረባት ገና ምሉእ ኣይኰነን። ወኪልና ኣለም ፍስሃ ናብ ኣኽሱም ተጓዒዙ ቀንዩ ንኹታት ሓፈሻዊ ሆስፒታል ቅዱስቲ ማርያም ኣኽሱም ዝድህስስ መደብ ኣዳልዩ ኣሎ፡ ንምክትታሉ መላግቦ ሰዓቡ።

ብዙሕ ክጠምል ዘይጠለመት

ኣብ እዋን ኲናት ትግራይ፡ ብሰንኪ ዝነበረ ዕጽዋን ስእነት ቀረባትን ሓያሎ ዜጋታት ከለዎም’ውን ነቲ ሕማቕ እዋን ንምስጋር ተጸጊሞም’ዮም። ኣብቲ እዋን ብገለ ነጋዶ ቅልጡፍ ገንዘብ ናይ ምኽዕባት ተግባራት ከርእዩ እንከለዉ፡ ገለ ግን ነቲ ዘሎ ኵነታት ኣብ ምርግጋእ’ዮም ተዋፊሮም። ነባሪት ኣኽሱም ዝዀነት የማር ኣፅብሃ ሓንቲ ካብተን ሰብ ጽቡቕ ተግባር’ያ።

ውድብ ጥዕና ዓለም፡ ንኽልል ትግራይ ሓገዝ መድሃኒት ሂቡ

ውድብ ጥዕና ዓለም ንኽልል ትግራይ ኣስታት 126 መትሪክ ቶን ዝግመት ሓገዝ መድሃኒት ኣበርኪቱ። እዚ ኣብ ዝሓለፈ ክልተ ሰሙናት ናብቲ ክልል ዝኣተወ መድሃኒታት፡ ኣብ ዘፈር ጥዕና እቲ ክልል ዝጸንሐ ጋግ ኣብ ምምሽፋን ዓቢ ኣበርክቶ ክህሉዎ ምዃኑ ካብ ቢሮ ጥዕና እቲ ክልል ዝትረኸበ ሓበሬታ የረድእ።

ብዘላካ ዝከኣለካ

ብዘላካ ዝከኣለካ

ኣብ ትግራይ ብዝነበረ ዕጽዋ፡ ሓያሎ ኣብ ከባቢኦም ብዝነበረ ጥረ-ነገራት ተጣቢቦም ክሰርሑ ድፍኢት ኰይኑ’ዩ። ኩነታት ምስ ተመሓየሸ’ውን እቲ ስራሕ ከም ዝቐጸሉዎ ገለ ካብቶም ኣብ ሓድሽ ስራሕ ዝተዋፈሩ ይነግሩ። ክልተ ካብዞም ድምጺ ኣመሪካ ኣጋይሽ ዝገበሮም መምህር ኣብ ዩኒቨርስቲ ኰይኑ ኣብ ምስራሕ ዳሙና ዝተዋፈረ ብርሃነ በላይን ምርቕቲ ከሚካላዊ ምህንስድና ዝዀነት ገነት ገብረሚካኤልን’ዮም።

ሆስፒታል ዓድዋ ኣብ ሞት ኣዴታትን ህጻናትን ዘካየዶ ስራሓት

ሆስፒታል ዓድዋ ኣብ ሞት ኣዴታትን ህጻናትን ዘካየዶ ስራሓት

ሓፈሻዊ ሆስፒታል ዓድዋ ድሕሪ ስምምዕ ሰላም ፕሪቶርያ ካብ ፌደራል ሓዊሱ ዝተፈላለዩ ገበርቲ ሰናይን ገለ ሆስፒታላት ብዝተገበረሉ ዝተፈላለዪ ሓገዛት ኣበርቲዑ ብምስራሕ ሞት ኣዴታት ናብ ዜሮ ክጎድል ከሎ ኣብ ህፃናት እውን ኣበርቲዑ ይሰርሕ ኣሎ ይብሉ ኣካያዲ ስራሕ ሓፈሻዊ ሆስፒታል ዓድዋ ኣይተ ክንፈ ገብረእዝጋብሄር ይሕብሩ።

ትሑት ዝርግሓ ዝናብ ከጋጥም ከምዝኽእል ትንበያ ኩነታት ኣየር ክልል ትግራይ ይሕብር

ትሑት ዝርግሓ ዝናብ ከጋጥም ከምዝኽእል ትንበያ ኩነታት ኣየር ክልል ትግራይ ይሕብር

ኣብ ክልል ትግራይ ኩነታት ዝናብ ዝነከየ ምዃኑ ሓላፊ ትንበያ ኩነታት ኣየር ኣቶ ዳርገ ፍቃዱ ንድምጺ ኣመሪካ ሓቢሮም። ማእከል ኣገልግሎት ሜትሮሎጂ ክልል ትግራይ፡ ኣብ ነፍሲ ወከፍ ዓመት ኩነታት ዝናብ ሓጋይን ክረምትን ንህዝቢ ከም ዝሕብር ዝገለጹ ኣቶ ዳርገ ፍቃዱ፡ ሎሚ ዓመት ትሕቲ መደበኛ ዝበልዎ ዝርግሐ ዝናብ ከም ዘጋጥም ዘለና መረዳእታ የመልክት ኢሎም።

ተስፋ ወነንቲ ነኣሽቱ ትካላት ክልል ትግራይ

ተስፋ ወነንቲ ነኣሽቱ ትካላት ክልል ትግራይ

ኲናት ሰሜን ኢትዮጵያ ደው ንምባል ድሕሪ ዝተበጽሐ ስምምዕ ሰላም፡ ኣብ ክልል ትግራይ ዝነበሩ ነኣሽቱ ኣፍረይቲ ትካላት ዳግም ክበራበሩ ምጅማሮም ይግለጽ ኣሎ። መንእሰይ ኣማኑኤል ሃይለማርያም ኣብ ከተማ መቐለ ንብረት ገዛን ማሕረስን ዘፍሪ ወርክሾፕ ዝውንን ኮይኑ፡ እቲ ሰላም እንተቐጺሉ ናይ ምዕባይን ስራሕ ናይ ምኽፋትን ተስፋታት ከምዘሎ ይሕብር።

ኣብሮብ፤ ተውህቦን ቅርበት ሙዚቃን ዝፈጠሮ ምውህሃድ

ኣብሮብ፤ ተውህቦን ቅርበት ሙዚቃን ዝፈጠሮ ምውህሃድ

ኣቦኡ ድምጻዊ ይርጋኣለም ጌታቸው ንኽብሪ ድምጺ ኣብርሃም ኣፈወርቂን ሮቤል ሰሎሞን፡ ካብ ክልቲኡ ኣጣቢቑ “ኣብሮብ” ዝብል ስም’ዩ ሂቡዎ። ነቲ ዝተወከሎ ስምን ክብሪን ዝኸውን ጽልዋ ሙዚቃ የሕዲሩ ድማ ሕጂ ኣርባዕተ መሳርሒ ሙዚቃ ንምጽዋት ክኢሉ ኣሎ። ዛንታ ኣብሮብ ይርጋኣለም ኣብዚ ምክቻል ይክኣል።

ሕክምና ዓይኒ ፍፁም ብርሃን፡ ብርሃን ዜጋታት ትመልስ

ሕክምና ዓይኒ ፍፁም ብርሃን፡ ብርሃን ዜጋታት ትመልስ

ኣብ ከተማ መቐለ እትርከብ ማእከል ሕክምና ዓይኒ ፍፁም ብርሃን፡ ኣብ ቀረባ እዋን ን163 ጸገማት ዓይኒ ዝጸንሖም ዜጋታት ናጻ ሕክምናዊ ኣገልግሎት ሂቡ ነይሩ። ኣብቲ ኣጋጣሚ ዝተረኽበ ወኪል ድምጺ ኣመሪካ፡ ንሓፈሻዊ ኣገልግሎት እታ ማእከልን ኣብቲ 'ዋን ዝነብረ ኩነታት ብዝምልከት ዘዳለዎ መደብ ኣብዚ ምክትታል ይክኣል።

ኣባላት ፖሊስ ትግራይ ነበር ሕቶታት የቕርቡ፡ መልሲ ግን ዛጊት ኣይረኸቡን

ኣባላት ፖሊስ ትግራይ ነበር ሕቶታት የቕርቡ፡ መልሲ ግን ዛጊት ኣይረኸቡን

ካብ በበይኑ ወገናት ክልል ትግራይ፡ ኣስታት ሓደ ሽሕ ዝበጽሑ ኣባላት ፖሊስ ነበር፡ ናይ ልዕሊ ሓሙሽተ ኣዋርሕ ደሞዞም ስለ ዘይተኸፍሎም፡ ኩነታቶም ክፈልጡ ደጋጊሞም ከም ዝሓተቱ ኣብቲ ሎሚ ኣብ ማእከል ቤት ጽሕፈት ፖሊስ መቐለ ዝገበሩዎ ጻውዒት ኣመልኪቶም። እቶም ፖሊስ ነቲ ደሞዝ ንዘይምኽፋሎም ዝቐርብ ዘሎ ምኽንያት ኣይቅበሉዎን። ግቡእ መልሲ ግን ዛጊት ከም ዘይረኸቡ ይሕብሩ። ብዛዕባ’ዚ ጉዳይ ካብ ፖሊስ ክልል ትግራይ ግብረ-መልሲ ንምስማዕ ዝገበርናዮ ፈተነ ኣይቀንዐን።

መብርሂ - ዘይምዕሩይ ክፍሊት ደሞዝ ሰራሕተኛታት ትግራይ ስለምንታይ?