ኣለም ፍሰሃ

ሓፂር ወግዒ ምስ ኣወሃሃዲን ሙዚቀኛን ኣማረ ኣሰፋ

ሓፂር ወግዒ ምስ ኣወሃሃዲን ሙዚቀኛን ኣማረ ኣሰፋ

ኣብቲ ነዊሕ ዓመታት ዝኸደ ናይ ሙዚቃ ምውህሃድን ምቅንባርን ስራሓቱ፡ ኣማረ ኣሰፋ ንልዕሊ ሓደ ሽሕ ዝዀኑ ደርፍታት ከም ከምዘቀነባበረ ይሕብር። ሓያሎ መሳርሒታት ሙዚቃ ከም ዝፈታትን ዝሕብር ኣማረ፡ ንበይዝ ጊታር ግን ብግቡእ ከም ዝፃወቶ’ዩ ይገልጽ።

ሓገዝ ንሕክምና ዓይደር

ሓገዝ ንሕክምና ዓይደር

ኣብ ደቡብ ኣፍሪቃ ዝነብሩ ማሕበረሰብ ተጋሩ ዋጋ ልዕሊ ሰለስተ ሚልዮን ብር ሕክምናዊ ሓገዝ ንሪፈራል ሆስፒታል ዓይደር ኣወፍዮም። እዚ ሓገዝ ብቐንዱ ኣብ ስራሓት መጥባሕቲ ዘገልግል ንብረት ምዃኑ ነቲ ሓገዝ ዘረከቡ ኣካላት ገሊጾም። እዚ ሓገዝ ነታ ኣብ እዋን ኲናት ብስእነት መሰረታዊ ቀረባት መድሃኒት እትሳቐ ዝነበረ ሆስፒታል ዓይደር እንታይ ለውጢ ከምጽእ ይኽእል? ንምዃኑ’ኸ ኣብዚ ሕጂ እዋን ኩነታት ቀረብ እታ ሆስፒታል እንታይ ይመስል?

ደፋእቲ ሓድሽ ናይ ስራሕ ዶብ

ደፋእቲ ሓድሽ ናይ ስራሕ ዶብ

ብልምዲ ናይ ደቀንስትዮን ደቂ-ተባዕትዮን ተባሂሎም ዝከፋፈሉ ዓውድታት ስራሕ ኣለዉ። ገለ ደቀንስትዮ ግን ነዚ ዝጸንሐ ሓጹር ንምስጋር ይሰርሓ ኣለዋ። ነቲ ፈለማ ዝገጠመን ናይ ዘይምቕባል ግብረ-መልሲ ምስ ሰገራ፡ ኣብቲ ዝሓዘኦ ስራሕ፡ ብዓይኒ ሞያን ኣታዊን ዝግስግሳ ኣብነታውያን ደቀንስትዮ ኣለዋ። ዕዱማት ድምጺ ኣመሪካ ኰይነን ዘለዋ እምበኣር ሰለስተ ነበርቲ ከተማ መቐለ’የን።

▶ “ንዘርኢ ድሉዋት ኣሎና፡ መደባርያ ግን እንድዒ”ሓረስቶት ወረዳ ሕንጣሎ

ሓረስቶት ክልል ትግራይ፡ ንዘርኢ ይቃረቡሉ ኣብ ዘለዉሉ እዋን፡ ኣብ ብዙሕ ወገናት ዘሎ ተዛማዲ ምርግጋእ ዘቕስኖም እኳ እንተ መሰለ፡ በቲ ዝዓነወ ትሕተ-ቅርጺ ግን ዝሓቱዎ ሓገዝን ዝጽበዩን ብዙሕ’ዩ። ወኪል ድምጺ ኣመሪካ ካብ ከተማ መቐለ ናብ ወረዳ ሕንጣሎ ተጓዒዙ ንገለ ካብቶም ሓረስቶት ድሕሪ ምዝርራብ፡ ተመሊሱ ምስ ዝምልከቶም ኣካላት እቲ ክልል ኣወሃሂዱ ጸብጻብ ኣዳልዩ'ሎ።

ቍርሲ ንህፃናት

ቍርሲ ንህፃናት

ምስ ኲናትን ምዝንባል ስሩዕ ህይወትን ኣብ ክልል ትግራይ ተኣሳሲሩ ሓያሎ ስራሓት ግብረ-ሰናይ ክካየዱ ጸኒሖምን ኣለውን። ኣብ ኲሓ ኣብ ሓደ መዓልቲ ንልዕሊ 350 ህጻናት ቍርሲ ዝቕርቡ ማሕበር እምበኣር ሓደ ኣብነት ናይዚ’ዮም። ኣብ ሓንቲ ናይ ቍርሲ ረፋድ ዝተረኽበ ወኪል ድምጺ ኣመሪካ ብዛዕባ ኣብዚ ትካል ግብረ-ሰናይ ዝካየዱ ስራሓት ዝጠመተ መደብ ኣዳልዩ'ሎ።

ፃንሒት ምስ ኣማዕባሊ ድሮን ንጉስ ፍፁም

ፃንሒት ምስ ኣማዕባሊ ድሮን ንጉስ ፍፁም

ኣብ ብዙሕ ምርምራዊ ስራሓት ቴክኖሎጂ ዝነጥፍ መንእሰይ ንጉሰ ፍጹም ብፍላይ ኣብ ፈለማ ኣብ ምምካት ወራረ ኣንበጣ ኢሉ ዝጀመራ ስራሕ ሰብ-ኣልቦ ነፋሪት (ድሮን) ተዛዚማ ናብ ምብራር ክሳብ እትበጽሕ ብዙሕ መስርሓት ከም ዝሓለፈት ይገልጽ።

ኩነታት ሞት ህጻናት ድሕሪ ኲናት ክልል ትግራይ

ኩነታት ሞት ህጻናት ድሕሪ ኲናት ክልል ትግራይ

ኣብ እዋን ኲናት ክልል ትግራይ ሞት ህጻናት ብኣርባዕተ ዕጽፊ ምውሳኹ ኣብ እዋኑ ዝተገብሩ መጽናዕታት የመልክቱ። ድሕሪ ስምምዕ ሰላም ፕሪቶሪያን ፍቓድ ምእታው መድሃኒትን’ከ እንታይ ለውጢ ኣሎ? ወኪል ድምጺ ኣመሪካ ናብ ሓንቲ ካብ መደበራት ጥዕና ተዛዊሩ ዝለኣኾ ጸብጻብ ኣብዚ ምክትታል ይክኣል። ኣብዚ ማእከል ጥዕና ዘሎ ኩነታት ንዅሉ ኣብ ክልልትግራይ ዘሎ ኩነታት ዘይውክል ክኸውን ይኽእል’ዩ።

ግብሪን ክልስ-ሓሳብን ብሓደ

ግብሪን ክልስ-ሓሳብን ብሓደ

ድምጻዊ፡ ሙዚቀኛን ተመራማሪ ባህሊን ዝዀነ ኣለማየሁ ሃፍተ ኣብ መቐለ ዩኒቨርስቲ’ውን መምህር’ዩ። ንሙዚቃዊ ስራሕቱን ኣብ ባህሊ ዘተኵሩ ምርምራዊ ዕዮኡን ኣመልኪቱ ኣዘራሪብናዮ ኣለና።

እፎይታ--ፃንሖት ንስነ-ልቦናዊ ሕወየት

ኣብ ዓዲግራት፡ ብምትሕባብር በበይኖም መሻርኽቲ ኣካላት፡ ንፆታዊ መጥቃዕቲ ዝወረደን ደቀንስትዮ ዝሕብሕብ ማእከል ተኸፊቱ። “እፎይታ” ተፀዊዑ ዘሎ ማእከል፡ ነተን ኣብኡ ዝዕቆባ ደቀንስትዮ ሞያዊ ስልጠና ብምሃብ፡ ንዳግመ-ሕውየትን ዝዓበየ ኣፍራይነትን ዝሰርሕ ትካል’ዩ።

ዕጽዋ ዝወለዶ ስራሓት መድሃኒታት

ኣብ ክልል ትግራይ ብዝነበር ዕጽዋን ስእነት መሰረታዉያን ቀረባትን፡ ንሓያሎ ሞያውያን ክተዓጻጸፉ ድፍኢት ኰይኑ’ዩ። ሓደ ካብኣቶም ድማ ተመራማሪ ሃፍቶም የማነ’ዩ። ዶክተር ሃብቶም ኣብ ምርኢት ባዛር መቐለ ድሕሪ ምርካቡ፡ ብዛዕባ ስራሓቱ ኣዘራሪብናዮም ኣለና።

ሕርሻ ክልል ትግራይ ድሕሪ ስምምዕ ሰላም

ሕርሻ ክልል ትግራይ ድሕሪ ስምምዕ ሰላም

ብዂናት ተሃስዩ ዝጸንሐ ሕርሻ ክልል ትግራይ፡ ሕጂ ድሕሪ ስምምዕ ሰላም ዳግም ንምብርባር በበይኑ ስራሓት ይግበር ኣሎ። ሓረስቶት ወረዳ ክልተ-ኣዋላዕሎ እምበኣር ንዝረኸቡዎ መጠናዊ ሓገዝ ከም መበገሲ ገይሮም ዳግም ኣብ ምብርባር ይርከቡ።

ዕጽዋ ዝፈጠሮ ሞያ፤ ጽባቐ ንትርኢት