ኣብርሃም ተስፋልኡል

ጭቆና ዝፈጥሮ ፍርሒ ናጽነት

ጭቆና ዝፈጥሮ ፍርሒ ናጽነት

ኣብ ቀረባ እዋን ኣብ በበይኑ ፈስቲቫላትን ምትእኽኻብ ኣብ ደገ ዝቕመጡ ኤርትራውያንን ጎነጽ ክርአ ጸኒሑን ኣሎን። ቅድሚ ሕጂ ብዝተፈላለየ መልክዑ ከም ዘቤታዊ ዓመጽን ነፍሰ-ቅትለትን’ውን ብሕልፊ ኣብ ቀረባ ዓመታት ዝተሰደዱ ኤርትራውያን ተደጋጋሚ ከጋጥም ዝጸንሐ ክስተት ምዃኖም ዝተፈላለዩ መወከሲታት የርድኡ። ብዛዕባ’ዚ ኣሻቓሊ ተርእዮ ሓሳባቱ ከካፍለና ንክኢላ ስነ-ልቦናን ጥዕና ኣእምሮን ዶክተር ያቆብ ተኪአ ኣዘራሪብና ኣሎና።

22 ዓመት ዝኽሪ ምዕጻው ናጻ ፕረስ፤ ፐን ኤርትራ ንካሳሁን ቸኮል ይሽልም

ቅድሚ 22 ዓመት ከምዛ ሎሚ 18 መስከረም፡ ሸውዓተ ጋዜጣታት ብሕቲ ኤርትራ ዝተዓጽዋሉን ላዕለዎት ሰበ-ስልጣን መንግስቲ ዝነበረ ዝተኣስሩሉን ዕለት’ዩ። ጸኒሖም ድማ ኣሰነዳእቲ ጋዜጣታት ብሕቲ ተኣሲሮም። ኣብ ስደት ዝተመሰረተ ማሕበር ጸሓፍቲን ደረስቲን ፐን ኤርትራ እምበኣር ነዛ ዕለት ዝዝክር ዓመታዊ ሽልማት ሓሳብካ ምግላጽ ይህብ’ዩ። ናይ ሎሚ ዓመት ዕዉት ከኣ ኣሕታሚ ኣቶ ካሳሁን ቸኮል’ዩ። ኣብዚ ኣጋጣሚ ተደሪቱ ኣብርሃም ተስፋልኡል ዘዳለዎ ዘዳለዎ ጸብጻብ’ዩ።

22 ዓመት ዝኽሪ ምዕጻው ናጻ ፕረስ፤ ፐን ኤርትራ ንካሳሁን ቸኮል ይሽልም

ኣብ ኤርትራ 5 ሬክተር ዝዓቐኑ ምንቅጥቃጥ ምድሪ ኣጓኒፉ፡ ኣብ ሰብ ዝወረደ ክሳራ ዛጊት ኣይተመዝገበን

ፍሉይ ልኡኽ ኣመሪካ ማይክ ሃመር ምስ ሰብ-መዚ ኢትዮጵያ ይራኸብ

ወታሃደራዊ መራሒ ሱዳን ኤርትራ በጺሑ ምስ ፕረዚደንት ኢሳይያስ ተራኺቡ፡ ተዘራሪቡ

ናዕቢ ኤርትራውያን ኣብ እስራኤል - ጠመተ ብኻልእ ኵርናዕ

ናዕቢ ኤርትራውያን ኣብ እስራኤል -- ጠመተ ብኻልእ ኵርናዕ

ልዕሊ 170 ካብ ክልተ ወገናት ተሳተፍቲ እቲ ናዕቢን ልዕሊ 30 ኣባላት ፖሊስን ዘቝሰለ ናይ ቀዳም እምባጋሮ ኤርትራውያን ነበርቲ እስራኤል መዘራረቢ በበይኖም ኣካላት ኰይኑ ኣሎ። ሰብ-መዚ እስራኤል ካብታ ሃገር ናይ ምስጓግ መደብ’ውን ከም ዘለዎም ኣጠንቂቖም ኣለዉ። ካብ ውሽጢ እስራኤል ኰይኖም ነዚ ጉዳይ ብቐረባ ዝከታተሉ ግን ኣናብራኦም ዝተፈልየ’ዩ። ኣብርሃም ተስፋልኡል ኣብቲ ጉዳይ ብቐረባ ምስ ዝዋስእሉ ዘለዉ ኣካላት ኣዘራሪቡ ዘዳለዎ መደብ’ዩ።

እምባጋሮ ኤርትራውያን ኣብ እስራኤል ናይ ምስጓግ ሕቶ የላዕል

ቀዳማይ ሚኒስተር እስራኤል ቢንያሚን ናታንያሁ፡ ብምኽንያት ዝኽሪ በዓል ኤርትራውያን ብቐዳም ድሕሪ ዘጋጠመ ዕግርግር፡ ኣብቲ ህውከት ኢድ ነይሩዎም ዝብሎም ኣስታት ሓደ ሽሕ ኤርትራውያን ሓተትቲ ዑቕባ ንምጥራዝ ካቢነኡ ይዝቲ ከም ዘሎ ኣገልግሎት ዜና ፈረንሳ ኣስፊሩ።

እምባጋሮ ኤርትራውያን ኣብ እስራኤል ናይ ምስጓግ ሕቶ የላዕል

ፍሉይ ልኡኽ ኣመሪካ፡ ናብ ኬንያን ኢትዮጵያን ይበጽሕ

ገጣሚ ኣብ ስደት -- ሃይለ ቢዘን

ገጣሚ ኣብ ስደት -- ሃይለ ቢዘን

ገጣሚ፡ ኣርታዒ፡ ጋዜጠኛን ጸሓፊ ሓጸርቲ ዛንታታን ሃይለ ቢዘን፡ ኣብ በበይኑ እዋን፡ ከም ኣባል መመዪት ሽማግለ ስነ-ጽሑፍ ራይሞክ፡ ዋና ኣርታዒ ኣሕተምቲ ሕድሪ፡ ኣባል ቦርድ ምስንዳእ መጽሔት ሕውየት፡ ሓደ ካብ መስረትቲ ዓመታዊ ውድድር ሓጺር ዛንታታት፡ ድሒሩ ድማ ፕረዚደንት ማሕበር ጸሓፍቲን ጋዜጠኛታትን ፐን ኤርትራ ኣብ ስደት ኮይኑ ሰሪሑ። ንስራሓቱ ዝድህስስ መደብን ቃለ-ምልልስ ምስቲ ገጣሚ ሃይለ ቢዘን ንምክትታል መላግቦ ሰዓቡ።

ኣብ ዋዕላ ሕብረት ብሪክስ ንምስታፍ ፕረ. ኢሳይያስ ንደቡብ ኣፍሪቃ ገይሹ

ስጳኛ ዋንጫ ዓለም ደቀንስትዮ ዓቲራ

ጠመተ ብናይ ቀረባ ርሕቀት -- ማእከል ጥዕና ዙም ካምፓላ

ጠመተ ብናይ ቀረባ ርሕቀት -- ማእከል ጥዕና ዙም ካምፓላ

ኣብ ለካቲት 2022፡ ብሰለስተ ኤርትራውያን ሓካይም ሰብ-ብርኪ ኣገልግሎት ዝጀመረት ማእከል ጥዕና ዙም ሓንቲ ካብተን ኣብ ጥዕናዊ መዳይ ኤርትራውያን ነበርቲ ዩጋንዳን ካልኦት ዜጋታትን ኣተኲራ እትሰርሕ ዘላ’ያ። እዛ ማእከል ጥዕና ነቲ ኣብ ስደተኛታት ኣዝዩ ጉሊሑ ዝርአ ሕጽረት ቋንቋን ስእነት ምትእምማን ኣብ ምምላእ ዓቢ ተራ ኣለዋ። ማእከል ጥዕና ዙም ኣብዚ ሕጂ እዋን ብድምሩ ክሳብ 46 ዝበጽሕ ዓቕሚ ሰብ ሒዛ ትርከብ።

ሲፎልስ --ደቡብ ዳኮታ፡ “ንእሽቶ ባረንቱ ኣብ ኣመሪካ”

ሲፎልስ --ደቡብ ዳኮታ፡ “ንእሽቶ ባረንቱ ኣብ ኣመሪካ”

ኣብ ከተማ ሲፎልስ ደቡብ ዳኮታ ዝርከቡ ተወላዶ ብሄረ ኩናማ ኣብ ቀዳመ-ሰንበት (5ን 6ን ነሓሰ) ባህላዊን ስፖርታዊን ፈስቲቫል ኣካዪዶም ነይሮም። እዚ ካብ ውሽጢ ከተማን ካልኦት ክፍለ-ሃገራት ኣመሪካ ብድምሩ ልዕሊ ክልተ ሽሕ ነጋድያን ዝትረኽቡሉ ኣጋጣሚ'ዩ። እዚ ንኻልኣይ ዓመቱ ዝካየድ ዘሎ ፈስቲቫል፡ ነቶም ኣብዚ ተወሊዶም ዝዓበየ ደቂ’ቲ ብሄር ምስ ባህሎምን መንነቶምን ንምልላይ፡ ነቲ ዝነብሩሉ ሕብረተሰብ ድማ ብዛዕባኦም ንምፍላጥ ምዃኑ ወደብቲ እቲ ፈስቲቫል ይሕብሩ።