ኣለም ፍሰሃ

ሓረስቶት መስኖ ካብ ተርእዮ ጥሜት ምግልጋሎም ይገልፁ፡ ንዝያዳ ሓገዝ ግን ይፅውዑ

ሓረስቶት መስኖ ካብ ተርእዮ ጥሜት ምግልጋሎም ይገልፁ፡ ንዝያዳ ሓገዝ ግን ይፅውዑ

ካብ ተፀበይቲ ዝናብ ምዃን ዝተገላገሉ ሓረስቶት መስኖ ፅራእ ወእምበርታ ብሳላ ዝኽተሉዎ ኣገባብ ማሕረስ ካብ ተርእዮ ጥሜትን ስእነት መግቢን ድሒኖም ምህላዎም ይዛረቡ። ድምጺ ኣመሪካ ዘዘራረቦም ሓረስቶት፡ ተወሳኺ ሓገዝ ምስ ዝግበረሎም፡ ንገዛእ-ርእሶም ኰይኖም ንኻልኦት ብስእነት መግቢ ዝተጠቕዓ ወረዳታት’ውን ክዀኑ ከምዝኽእሉ ይገልጹ።

ፃንሖት ምስ ደራሲን ኣላዪን ኣታኽልቲ ነጋ

ፃንሖት ምስ ደራሲን ኣላዪን ኣታኽልቲ ነጋ

ካብቶም ናይ ፈለማ ምሩቓት ቲያትሪካል ኣርት ዩኒቨርስቲ መቐለ ዝዀነ ኣታኽልቲ ነጋ፡ ፃንሖቱ ኣብ በበይኑ ዓውድታት ስነ-ጥበብ'ዩ ጸኒሑ። በበይኖም ፊልምታት ዝፀሓፈን ዝደረሰን፡ ሰፊሕ ተሰማዕነት ዘለዎም ናይ ሬድዮ ድራማ ዘዳለወ ኣታኽልቲ፡ ኣብ ቀረባ እዋን’ውን መጽሓፍ የሕቲሙ ኣሎ።

ባህሊ ክልል ትግራይ ከም መስሕብ ቱሪዝም፡ ዝያዳ ስራሕ ንዝሓሸ ውጽኢት

ባህሊ ክልል ትግራይ ከም መስሕብ ቱሪዝም፡ ዝያዳ ስራሕ ንዝሓሸ ውጽኢት

ብምኽንያት በዓል ጥምቀት ኣብ ማይጨው ኣብ ዝተኻየደ ጽንብል ተረኺቡ ነቲ ባህላዊ ጸወታታትን ምርኢታትን ዝተዓዘበ ወኪል ድምጺ ኣመሪካ፡ ብማሕበር ባህሊ ክልል ትግራይ ዝግበር ዘሎ ጻዕሪ ዘተስፍው እኳ እንተዀነ፡ እቲ ዝሕለን ውጽኢት ግን ኣይሃበን ይብል። እዚ ድምር ውጽኢት ናይ በበይኑ ኣካላት ምዃኑ እቲ ቤት ጽሕፈት ይጠቅስ።

ዶክተር ዳኒኤል ተኽሉ ምስ ሓድሽ መጽሓፉ

ዶክተር ዳኒኤል ተኽሉ ምስ ሓድሽ መጽሓፉ

ኣብ ምርምር ስነ-ቋንቋን ምምህርናን ነዊሕ ዓመታት ዝሰርሐን ብመሪሕነት ዝዓየየን ዶክተር ዳኒኤል ተኽሉ ኣብ ቀረባ ግዜ ሓድሽ መጽሓፍ የሕቲሙ ንህዝቢ ኣላልዩ ኣሎ። እዛ መጽሓፍ መበል 21 ምዃና’ያ። ብዛዕባ’ታ ሓዳስ መጽሓፍን ዶክተር ዳኒኤል ኣብ ሕትመት ብዛዕባ ዝግበሮ ሓፈሻዊ ኣበርክቶን ብዝምልከት ኣዘራሪብናዮ ኣለና።

ቃለ መሕትት ምስ ዕዉት ኤክስፖ ኣቭየሽን ኢትዮጵያ

ክልስ-ሓሳብ ናብ ግብሪ -- ምህዞ ንምቅላል ከባቢያዊ ጸገማት

ክልስ-ሓሳብ ናብ ግብሪ -- ምህዞ ንምቅላል ከባቢያዊ ጸገማት

ንልዕሊ 35 ዓመታት፡ ኣብ ሞያ ምምህርና፡ ብቐንዱ ድማ ስነ-ህይወት (ባዮሎጂ) ዝሰርሓ መምህር በሪሃ ገብረየሱስ፡ ነቲ ብኽልስ-ሓሳብ ዝቐሰምኦ ትምህርቲ ኣብ ፍወሳ ከባቢአን ከውዕላ’የ ፈቲነን። ኣብ በበይኑ እዋናት ብዘካየድኦ ዝነበራ ፈተነታት ድማ ሕጂ ኣድማዒ መድሃኒት ጸረ-ትዃንን ቍንጪን ኣፍርየን ኣለዋ።

“ወደይ ኣለልየዮ” -- ኣገልግሎት ሕክምና ዓይኒ ኲሓ

“ወደይ ኣለልየዮ” -- ኣገልግሎት ሕክምና ዓይኒ ኲሓ

ሓፈሻዊ ሆስፒታል ኲሓ፡ ንልዕሊ ሓደ ሽሕ ዝበጽሑ ናይ ምርኣይ ጸገም ዝነበሮም ዜጋታት ኣብ ቀረባ እዋን ናጻ ኣገልግሎት ሕክምና ዓይኒ ሂቡ። እዚ ስራሕ ቅድሚ ሕጂ ንኣስታት 15 ዓመታት ክወሃብ ዝጸንሐ ኰይኑ፡ ንዝሓለፈ ቀረባ ዓመታት ግን ብሰንኪ ለበዳ ቫይረስኮሮናን ድሒሩ ድማ ኲናት ኣቋሪጹ ዝጸንሐ’ዩ። እዚ ናጻ ኣገልግሎት ምስ ካልኦት ናይ ደገ ገብርቲ ሰናይ ማሕበራት ብምትሕብባር ዝግበር’ዩ።

ኣብ ክልል ትግራይ ዝርከቡ ሰራሕተኛታት ፈደራል መንግስቲ መሃያኦም ከምዘይተኸፍሎም ይገልጹ

ኣብ ክልል ትግራይ ዝርከቡ ሰራሕተኛታት ፈደራል መንግስቲ መሃያኦም ከምዘይተኸፍሎም ይገልጹ

ኣብ ክልል ትግራይ ዝነብሩ ልዕሊ 300 ሰራሕተኛታት ፌደራል መንግስቲ ንልዕሊ ክልተ ዓመታት ማሃያ ኣይተኸፈልናን ኢሎም ከማርሩ ምጽንሖም ይዝከር። ሰራሕተኛታት ኢምግረሽንን ዜግነትን፣ መገዲ ኣየር ኢትዮጵያን ንድምጺ ኣመሪካ ከምዝገለጽዎ "ድሕሪ ምኽታም ውዕል ፕሪቶርያ’ውን እንተኾነ ማሃያና ኣይኽፈለናን ዘሎ" ይብሉ። ወሃቢ ቃል ኢምግረሽንን ዜግነትን ማስተዋል ገዳ ብወገና "እቶም ጥርዓን ዘቅርቡ ሰራሕተኛታት፣ ማሃያኦም ክረኽቡ’ዮም" ኢላ'ላ።

“ክንዲ ምስሐይ” -- ሓገዝ ንተፀበይቲ ረዲኤት

“ክንዲ ምስሐይ” -- ሓገዝ ንተፀበይቲ ረዲኤት

ኣብ ክልል ትግራይ ኣብ በበይኑ ወረዳታት ኣጋጢሙ ዘሎ ጥሜት፡ ድሮ ህይወት ልዕሊ 220 ሰባት ምውሳዱ ግዜያዊ ምምሕዳር ክልል ትግራይ ኣመልኪቱ ኣሎ። ወረዳ ኣበርግለ-ጭላ ድማ ካብተን ቀንዲ ዝተሃስያ ወረዳታት’ያ። ሰለስተ ግዱሳት መንእሰያት bናይ ባዕሎም ተበግሶ ንጽጉማት ኣብ ምሕጋዝ ይርከቡ። ንተበግስኦምን ዝዓመምዎ ስራሕን ብዝምልከት ኣዘራሪብናዮም ኣለና።

ዘወርቲ ታክሲ ከተማ መቐለ ስራሕ ደው ናይ ምባል ኣድማ ኣካይዶም

ዘወርቲ ታክሲ ከተማ መቐለ ስራሕ ደው ናይ ምባል ኣድማ ኣካይዶም

ዘወርቲ ታክሲ ከተማ መቐለ ክልል ትግራይ ሎሚ ዓርቢ ንሓሙሻይ መዓልቶም ስራሕ ጠጠው ናይ ምባል ኣድማ ቀፂሎም ውዒሎም። ጠለቦም ናህሪ ዋጋ ነዳዲ ምጉዳል ድጎማን ምስቲ ዝተሰለዓ ታሪፍ ዝመጣጠን ኣይኮነን ዝብል ዘቕረብዎ ሕቶ ምላሽ ምስኣኑ ክገልጹ ከለው ቤት ጽሕፈት መጉዓዝያ ክልል ትግራይ ድማ ሕቶኦም ብግቡእ ከየፍለጡ ስራሕ ደው ምባል ግጉይ ምዃኑ ይገልጽ።

መቐለ፡ ሽግር ከባቢኡ ንምፍታሕ ኣብ ምህዞ ዝርከብ መንእሰይ