ሙሉጌታ ኣጽብሃ

ክልል ትግራይ - ኣፍረይቲ ትካላት ንምብርባር ትፍትን፡ እቲ ክፍተት ግን ገፊሕ’ዩ

ክልል ትግራይ - ኣፍረይቲ ትካላት ንምብርባር ትፍትን፡ እቲ ክፍተት ግን ገፊሕ’ዩ

ኣብ ክልል ትግራይ ብምኽንያት ኲናት ስራሕ ካብ ዘቋረፁ ልዕሊ 6,400 ነኣሽቱ፡ ማእከሎትን ዓበይቲን ኣፍረይቲ ትካላትን ኢንዳስትሪታትን እቶም 227 ጥራሕ ናብ ስራሕ ምምላሶም ቢሮ ኢንዳስትሪ እቲ ክልል ገሊፁ። ብዘይካ እቲ ዝወረደ ዕንወት፡ ዳግም ንኸይበራበራ ማሕንቖ ኮይኑ ዘሎ ሕጽረት ናይ ደገ ሸርፊ ምዃኑ ድምጺ ኣመሪካ ዘዘራረቦም ወነንቲ ኣፍረይቲ ትካላት ይገልፁ።

ክልል ትግራይ -- ነበርቲ ንሓለዋ ጸጥታ ይፅውዑ

ክልል ትግራይ -- ነበርቲ ንሓለዋ ጸጥታ ይፅውዑ

ኣብ ክልል ትግራይ ዝርኣዩ ፀገማት ፀጥታ ንኽፍትሑ ንድምጺ ኣመሪካ ርእይቶ ዝሃቡ ነበርቲ ፀዊዖም። ገለ ካብቶም ጎሊሖም ዝርኣዩ ዘለዉ ፀገማት፡ ስእነት ተሓታትነትን ኣብ እዋኑ ዘድሊ ስጉምቲ ዘይምውሳድን ምዃኑ ገለ ካብቶም ወሃብቲ ርእይቶ ክሕብሩ እንከለዉ፡ ፖሊስ ግን ዝከኣሎ ይገብር ምህላዉ ይሕብር።

ክልል ትግራይ -- ስእነት ፀጥታ፡ ፃውዒት ተመዛበልቲ

ክልል ትግራይ -- ስእነት ፀጥታ፡ ፃውዒት ተመዛበልቲ

ስምምዕ ፕሪቶሪያ ዝኣመቶ ኣሳታፊ ፖለቲካዊ ኩነታት ኣብ ክልል ትግራይ ስለ ዘየለ፡ ፀገም ፀጥታ ይጋደድ ኣሎ ክብል ውድብ ሳልሳይ ወያነ ትግራይ ኣብ ዘውፅኦ መግለፂ ከሲሱ። እቲ ውድብ ዘይሕጋዊ ዕደናን ምስግጋር ሰባትን ካብቶም ዝጥቀሱ ጕድለት ምምሕዳር ምዃኖም ይሕብር። ብዝተሓሓዝ ካብ ክልል ዓፋር ተመዛቢሎም ኣብ መቐለ ዝርከቡ ዜጋታት፡ ምስ ተኽእሎታት ምምላስ ውሽጣውያን ተመዛበልቲ፡ ኣብ መንጎ ተረሲዕና ኢሎም መረረ የስምዑ ኣለዉ።

ሓይልታት ትግራይ ካብ ዝሓዝዎም ከባቢታት ኣላማጣ ከምዝወጹ ምውሳኑ ጊዝያዊ ምምሕዳር'ቲ ክልል ኣፍሊጡ

ሓይልታት ትግራይ ካብ ዝሓዝዎም ከባቢታት ኣላማጣ ከምዝወጹ ምውሳኑ ጊዝያዊ ምምሕዳር'ቲ ክልል ኣፍሊጡ

ሓይልታት ትግራይ ካብ ጋርጃለን በቅሎማነቅያን ዝተባህሉ ከባቢታት ኣላማጣ ንክወፁ ግዚያዊ ምምሕዳር እቲ ክልል ምውሳኑ ፕረዚደንት ጊዝያዊ ምምሕዳር ክልል ትግራይ ኣይተ ጌታቸው ረዳ ገሊፆም። ኣብ ከተማ ኣላማጣ ዝርከቡ ንድምፂ ኣመሪካ ርእይቶ ዝሃቡ ነበርቲ ድማ፤ ሓይልታት ፀጥታ ፌደራል ኣብታ ከተማ ከምዝርከቡ ብምግላፅ መንግስቲ ብቅልጡፍ ምምሕዳር ብምጥያስ ህዝባዊ ኣገልግሎት ንክጅምር ሓቲቶም።

ማሕበር ዕንባባ ንሕውየት ማሕበረሰብ

ማሕበር ዕንባባ ንሕውየት ማሕበረሰብ

ኣብዚ ሒዝናዮ ዘለና ዓመት መዓልቲ ደቂ ኣንስትዮ ኣብ ኢትዮጵያ ብብርኪ ሃገር ኣብ ዝተባዕለሉ እዋን ንትግራይ ወኪላ ተሸላሚት ንዝኾነት ማሕበር ዕንባባ ዘተኣናጋደ መደብ’ዩ ናይ ሎሚ ስሩዕ መድብና። ኣባላት እዚ ባህላዊ ምንቅስቃሳተን ብፍላይ ምስ ኲናት ተተሓሒዙ ማህሰይቲ ንዝወረዶ ማሕበረሰብን ከባቢን ኣብ ምሕዋይ ዝህልወን ግደን ዝረከበኦ ሽልማትን ኣመልኪቶም ሳራ ፍሰሃየን ኣብ መቐለ ዝርከብ ወኪል ድምፂ ኣመሪካ ሙሉጌታ ኣፅበሃን ብሓባር ዘዳለዉዎ’ዩ።

ቅትለት ጓሶት ራያ-ዓዘቦ፡ ኣብ ርእሲ ሞት ንተወሳኺ ጎንጺ ከይደፍእ የሻቕል

ቅትለት ጓሶት ራያ-ዓዘቦ፡ ኣብ ርእሲ ሞት ንተወሳኺ ጎንጺ ከይደፍእ የሻቕል

ኣብ ወረዳ ራያ ዓዘቦ፡ ካብ ክልል ዓፋር ተሳጊሮም መጺኦም ብዝተባህሉ ዕጡቓት ሸውዓተ ሰባት ምቕታሎም ኣማሓዳሪ እቲ ወረዳ ንድምጺ ኣመሪካ ገሊጹ ኣሎ። እንተዀነ፡ ድሒሩ’ውን ኣብ ክንዲ ንፈጸምቲ በደል ናብ ሕጊ ምውሳድ፡ ካልእ ንጎንጺ ዝዕድም ምንቅስቓስ ከም ዘሎ’ዩ ኣማሓዳሪ እቲ ወረዳ ዝገልጽ። ካብ ወገን ክልል ዓፋር ግብረ-መልሲ ንምስማዕ ዝተገበረ ጻዕሪ ግን ኣይቀንዐን።

“ተመዛበልቲ ናብ ቦታኦም ንምምላስ ምድልዋትና ኣፃፊፍና ኢና፡” ሌ/ጀ/ ታደሰ ወረደ

“ተመዛበልቲ ናብ ቦታኦም ንምምላስ ምድልዋትና ኣፃፊፍና ኢና፡” ሌ/ጀ/ ታደሰ ወረደ

ተመዛበልቲ ንምምላስ ብወገን ጊዜያዊ ምምሕዳር ክልል ትግራይ ኩሉ ዓይነት ምድላዋት ከም ዝተዛዘመ፣ ምክትል ፕረዚዳንት ግዜያዊ ምምሕዳር ክልል ትግራይ ሌ/ጀነራል ታደሰ ወረደ ኣብቲ ትማሊ ሰንበት ምስ ማዕከናት ዜና ክልል ዝገበሩዎ ፃንሖት ገሊፆም። እቶም ምኽትል ፕረዚደንት ኣብ መግለፂኦም፡ ናይቶም ካልኦት ኣካላት ካብ ቦታ ምስሓብ ኣብ እዋኑ ብዘይምፍፃሙ፡ ንምምላስ ተመዛበልቲ ክፀልዎ ምዃኑ ጠቒሶም።

ጻውዒት ዓለማዊ መዓልቲ ሓቢርካ ምንባር፡ “ሰግለለት ኲናት ከይደግስ”

ጻውዒት ዓለማዊ መዓልቲ ሓቢርካ ምንባር፡ “ሰግለለት ኲናት ከይደግስ”

ትማሊ ሓሙስ 15 ግንቦት 2024 “ዓለማዊ መዓልቲ ሓቢርካ ብሰላም ምንባር” ዝዝከረሉ ዕለት’ዩ። ነዚ ኣጋጣሚ ምኽንያት ብምግባር ከኣ ኣብ መቐለ ዝርከብ ማእከል ኣመሪካ ነቲ መዓልቲ ዝዝክር ምድላዋት ኣሰናዲኡ ነይሩ። ተሳተፍቲ እቲ ኣጋጣሚ፡ ኲናት ሰሜን ኢትዮጵያ ዝፈጠርሎም ምምዝባል ህይወት ብምጥቃስ፡ መንግስታዊ መሓዉራትን ካልኦት ኣካላትን ንሰላም ኣበርቲዖም ክሰርሑ ኣብቲ ኣጋጣሚ ጸዊዖም።

“75-ሽሕ ተዋጋእቲ ክልል ትግራይ ናይ ምፍናውን ምጥያስን መስርሕ ድሕሪ ክልተ ወርሒ ክጅምር’ዩ፡” ኮሚሽን ተሃድሶ

“75-ሽሕ ተዋጋእቲ ትግራይ ናይ ምፍናውን ምጣያስን መስርሕ ድሕሪ ክልተ ወርሒ ክጅምር’ዩ፡” ኮሚሽን ተሃድሶ

ኣብ ክልል ትግራይ ድሕሪ ክልተ ኣዋርሕ ኣብ ዝጅመር ቀዳማይ ዙር ነበር ተዋጋእቲ ካብ ንጡፍ ወታሃደራዊ ስራሕ ተኣልዮም ናብ ሕብረተሰብ ዝፍነዉሉን ዝጣየሱሉን መስርሕ ድሕሪ ክልተ ኣዋርሕ ክጅምር ምዃኑ ኮምሽን ተሃድሶ ኢትዮጵያ ገሊፁ። ኣብዚ መስርሕ ኣስታት 75-ሽሕ ኣባላት ሰራዊት ነበር ክህልው ትፅቢት ከም ዝግበር እቲ ኮሚሽን ይሕብር። ቅድሚኡ ግን ሃብቲ ናይ ምትእኽኻብ መስርሕ ክካየድ ምዃኑ ወኪል ድምጺ ኣመሪካ ካብ መቐለ ዘዳለዎ ሪፖርት ይሕብር።

ሲስተር ካሕሳ ሓጎስ ሽልማት ሰላምን ፀጥታን ደቂ ኣንስትዮ ተቐቢላ

ሲስተር ካሕሳ ሓጎስ ሽልማት ሰላምን ፀጥታን ደቂ ኣንስትዮ ተቀቢላ

ኣብ ሆስፒታል ዓዲግራት ትሰርሕ ሲስተር ካሕሳ ሓጎስ፣ ፆታዊ መጥቃዕቲ ንዝበፅሐን ደቂ - ኣንስትዮ ብብዘበርከተቶ ሰናይ ተግባር ድጋፍ ኣብ እዋን ኲናት፣ ‘ግሎባል ኣፌይርስ ካናዳ’ ካብ ዝተባሃለ ትካል ፍሉይ ሽልማት ሰላምን ፀጥታን ደቂ ኣንስትዮ ተቀቢላ። ሲስተር ካሕሳ ነቲ ሽልማት ሎሚ ሰሉስ ኣብ መቐለ ካብ ኢድ ሚንስትር ዓለምለኸ ልምዓት  ካናዳ ኣሕመድ ሑሴን ተቐቢላ።