ሰልፊ ኤርትራዊያን ስደተኛታት ኣብ ኣፍደገ ኤምባሲ ሩዋንዳ ኣብ እስራኤል

ዋሽንግተን — 

እስራኤል ካብ ዝሓለፈ ሰንበት ጀሚራ ኣብ ውሽጢ 60 መዓልታት ካብ ሃገራ ክወጹ ኣለዎም ንዝበለቶም ኣፍሪቃዊያን ስደተኛታት ናይ መጸዋዕታ ወረቐት ትህብ አላ። ብመሰረት ሓበሬታ ሰበ ስልጣን እታ ሃገር ኣብዚ ዝተዋህበ ናይ ጊዜ ገደብ ዘይወጹ ማእሰርቲ ከምዝገጥሞም ይገልጹ።

ቀዳማይ ሚንስትር እስራኤል ቤንጃሚን ነታንያሁ ኣብ ሃገሮም ንዘለው ብዘይሕጋዊ መንገዲ ዝኣተው እዮም ዝበልዎም ኣስታት 38,000 ኣፍሪቃዊያን ስደተኛታት ናብ ሳልሳይ ሃገር ናይ ምጥያስ መደብ ብወግዒ ኣፍሊጦም።

ሰልፊ ኤርትራዊያን ኣብ ኣፍደገ ኤምባሲ ሩዋንዳ ኣብ እስራኤል

ኣብዚ ሕጂ እዋን መጸዋዕታ ወረቐት ዝወሃቦም ዘሎ ናይ ዑቕባ መስርሖም ዝተነጽጉ ወይ ዑቕባ ዘይሓተቱ ሰብ ሓዳር ደቂ ተባዕትዮ ምኳኑ ተፈሊጡ’ሎ።

ኣብ እስራኤል ዝርከቡ ኤርትራዊያን ስደተኛታት ድማ ነዚ ውሳነ ብምቕዋም ትማሊ ኣብ ኣፍደገ ኤምባሲ ሩዋንዳ ሰላማዊ ሰልፊ አካይዶም።